[A:27]khams su 'bul sdud la 'byon pa'i brtag pa tshud nas gnang / thub bstan yangs can du spyan snga mjal bar byon/ rje 'di mus rab 'byams pa'i chos khri'i steng nas bka' chos gnang / yang chab tshan zhor thub bstan mkhan chen chos 'od zer bas spyan drangs nas/ kun mkhyen go ram pa'i bzhugs khri'i steng nas kyang chos gnang / gdan sar byon nas ngag dbang bsod nams dbang po sogs gdan sa 'og gi zhal ngo thams cad ga ra maNDal sgong du mjal 'phrad mdzad/ de nub bkra shis mthong smon du bzhugs/ gdan sa'i chos sde lho byang phreng gis bsus te rtse gdong gdung rgyud che 'don mdzad/ rnam gzhag thub dgongs gsungs/ phag lo la byams pa bsod nams dbang po ngor du byon nas rdo phreng sogs kyi bka' chos dpag med phul/ sa skya pas kyang ngor pa tshogs chen la phur pa dang / drag po sgrol dbang sogs gnang ngo / /zha lur byon nas ri mthil du bka' chos sogs bstan pa'i bya ba mdzad/ 'chad rtsod kyi yon tan mngon gsal du gyur/ rtsom pa'i phreng ba dkar chag tu blta/ re lnga pa stag gi bar du bzhugs/ lo de'i zla ba brgyad pa'i tshes gnyis kyi srod char sku gshegs/ sku gdung zhugs 'bul sogs brang ti pas mdzad do/ /rgyas par shar chen byams pa kun dga' bkra shis kyis mdzad pa'i rnam thar du blta'o// //thar rtse nas brang ti paN chen nam mkha' dpal bzang ni/ bstan pa snga dar gyi dus nas sman dpyad la mkhas pa mi dgu'i nang tshan/ brang ti'i brgyud de/ chos rgyal khri srong lde btsan nas bzung / bod chos rgyal rnams bla sman/ brang ti rgyal bsnyen khar phug dang / brang ti sras po dang / dza ya rakShi ta sogs dbus ljang rab brtan rtse sogs su byung / rgyal pos kyang la thod phud pa sogs kyis bkur sti mdzad/ gdung rabs bcu gcig tsam dbus/ gsum bzhi tsam nyang stod smad smon gro sogs su byung / gang ltar dpal ldan 'tsho byed kun dga' bzang po sogs nas rje