[A:28]'di'i yab kyi bar sman pa mkhas pa/ dam tshig gi sel med rgyun ma chad pa/ rje sa skya pa chen po la sogs pa dam pa mang po'i bla mar gyur pa dge 'dun khri phrag 'dus pa'i brang ti dar ma snying po dang / chos rgyal 'phags pa'i bla ma lha rje dar ma seng ge sogs dge ba'i bshes gnyen kyang du ma byon no/ /sa skya'i bla ma bdag nyid chen po bzang po dpal gyis brang ti 'jam dpal bzang po sa skyar spyan drangs nas/ bla sman du dbang bskur ba nas bzung ste/ rje 'di sku mched yan sa skya sman grong par grags so/ /de lta bu'i gnas khyad par can rdo rje gdan gnyis pa dpal ldan sa skya'i mdo brjod bkra shis gling du/ yab 'dren mchog ratna wardhA'i dge bsnyen/ sman bla gnyis pa kun dga' don grub dang / yum lha mo bu 'dren gyi sras su shing mo lug gi lo/ res gza' phur bu/ rgyu skar dbyug par dge mtshan dang bcas 'khrungs/ mtshan chos skyong dpal 'byor ro/ /rje yongs 'dzin gyi slob ma kun mkhyen bzang po zhu ba zhig gis mtshan gsol/ khrus dang srung 'khor mdzad/ dgung lo gsum bzhi tsam bsnyung ba kun rig dbang gis grol/ ma 'ongs pa'i lung bstan 'ga' re yang mdzad ces rje'i gcen nang so stag rgyal don grub gsungs zhes thos/ chung ngu nas byis pa'i spyod pa mi mnga'/ rong pa rga lo'i dbon rigs sngags 'chang bla ma ngor pas klog yig phul brda bstan pa tsam gyis mkhyen/ skyed lhas su rje btsun brag khung sogs su mnyam 'jog dang thos bsam mdzad/ dge 'dun gyi sde la lhag par dges/ nga yang 'di 'dra zhig byung na snyam pa lhang lhang byung / 'jig rten mtha' dag la skyo shas drag po mnga' bas/ dben gnas dang chos grwa la thugs rings par chas/ mus chen sangs rin gyi bu chen nam mkha' sangs rgyas lha sa rdzong du phebs par/ rje 'di dgung lo bcu gsum par bar ma rab byung dang / kun rig dbang nos/ mtshan nam mkha' dpal bzang gsol/ lha rje slob gnyer ma byed/ mdo rgyud la slob gnyer