[A:42]rtser bsnyen par rdzogs/ gang gis mkhan slob de rnams dang / gzhan yang zhwa lu ba dpal ldan chos bzang lo chen 'gyur med bde chen de'i gcung ngag dbang pas khyed la phrin las chen po 'ong / beng dmar tshe bsgrub mdzod gsungs/ ral chen dpal 'byor shes rab/ sngags 'chang dkon mchog legs 'dzin/ rtse gdong khri chen kun dga' bsod nams/ 'jam dbyangs bsod nams dbang po/ /shar chen kun dga' bkra shis/ 'jad shar phyogs bla ma bsod nams lhun grub/ rje dbang phyug rab brtan sogs las gsan pa rgya mtsho'i mthar son/ mus chen nam mkha' dpal bzang gis chag phyi yun ring mdzad/ rdor dkar gdan gcig sogs dpyad pa gtsang / snga phyir bsnyen sgrub mang po mdzad/ e waM chos 'khor rtser zur 'chang mdzad/ dngos po gang byung chud zos su ma song bar dge ba la gtong / 'dzin chags mi mnga'/ dgung lo lnga bcu nga drug pa sa pho rta'i lo'i dbyar ngor gyi khri thog tu phebs/ nag phyogs rnams kyis thugs so bsod du ma bcug pas lo gsum tsam las bla brang du ma bzhugs/ gtsang pa phun tshogs rnam rgyal gyi bdag mo hor mo 'das pa'i dgongs rdzogs la/ ngor gser mdog can thub bstan sogs sa dge bka' gsum gyi tshogs pa mang po'i dbu la rje 'di spyan drangs/ der byung ba'i dngos po rnams ngor bla brang du sbyor 'jags mdzad/ de nas sgrub khang du phebs te gdan sa pa nam mkha' sangs rgyas dang shes rab 'byung gnas gnyis dang / gnas gsar ba bsod nams mchog ldan/ zha lu sman khang rin chen bsod nams mchog grub sogs kyi chos 'phro rdzogs par mdzad/ de tsam ma gtogs lo bcu bzhir sgrub pa kho na mdzad de/ dgung lo don bzhi pa me pho byi ba'i lo'i hor zla bcu pa'i tshes bzhi la sku gshegs mkhan chen shes rab 'byung gnas kyis gdung zhu gnang / dbon rin po che