[A:43]dpal mchog rgyal mtshan gyis sku 'dra dus thang / dngul gdung / dus ja sogs dgongs pa yongs su rdzogs par mdzad/ bstan 'dzin gyi slob ma sa skya bdag chen mthu stobs dbang phyug /ngor thub bstan/ skyed tshal sogs dgon pa so so'i bla ma mang po dang / khams mnga' ris sogs nas mang du byung / gsung rtsom pusti gcig yod pa shin tu legs par mngon no/ /rgyas par mkhas pa ngag dbang brtan pa'i rdo rjes 'dzad pa'i rnam thar du blta'o// //brang ti nam mkha' sangs rgyas ni/ paN chen nam mkha' dpal bzang gi sku dbon yin/ 'khrungs yul shab stod rdzi lung yin/ sku chung ngu nas thar rtser byon/ khu bo rigs brgya'i mgon po nam mkha' dpal bzang de nyid las/ rtse gdong khri chen sku mched rnams dang / 'jam dbyangs bsod nams dbang po/ shar chen kun dga' bkra shis/ rje dpal ldan don grub/ rje snying rje bzang po sogs las bka' chos dpag med gsan/ sdom pa gsum gyis rgyud phyug /khams phyogs la yang 'gro don la byon/ paN chen gshegs nas thar rtse'i 'dzin bdag byon/ chu pho byi lor ngor gyi khri thog tu phebs/ shing glang la shar chen shes rab 'byung gnas la khri phul/ de nas thar rtser bshad sgrub spel ma gnang / skabs shig shangs pa'i sgrub gnas lcags pho rtser sgrub pa mdzad/ phyis thar rtse nyid du tshes bcu gcig la sku gshegs/ slob ma ngor thub bstan zha lu rnams kyi mkhan po/ gnas sar ba dbon rin po che sogs mang du byon/ rje de'i rnam thar gyi yi ge zhib rgyas ma mthong / cung zad rnyed pa tsho bdag gis thar rtse'i bla ma gsum gyi rtogs brjod logs su bris yod par blta'o// //shar chen shes rab 'byung gnas ni/ rigs phun sum tshogs pa bdag chen shar pa'i gdung byang chub sems dpa' kun dga' dpal