[A:504]gyi chos 'phro dang / gzhan yang gang la gang dgos pa'i dam pa'i chos kyi dga' ston dpag tu med pa stsal/ bar skabs mgon khang rnams su bstan pa rgyas pa'i phrin bcol yang dag par mdzad de/ yos lo zla ba drug pa'i nang du mdo khams su chibs sgyur gnang nas/ lha sa gtsos lam bar gyi gnas chen rnams su gnas gzigs mdzad cing phebs/ 'bras spungs dga' ldan pho brang du rgyal dbang mchod yon zhal mjal bas thugs rjes rjes su skyong ba'i bdag rkyen rgya cher stsal/ de nas rim gyis byang lam brgyud de thog mar rga stod du phebs/ lam bar rnams su phrin las rgya che ba'i dbang gis yun ring bas phebs bsu sngon rjes mang du glebs par brten/ myur du byon nas rgyal khab chen po lhun grub steng dang nye bar bla dpon rnams kyis gtsos ser skya kun gyis bsu ba ser phreng dpag tu med pas spyan drangs te pho brang chen por phebs/ mchod yon zhal mjal bas thugs yid gcig tu 'dres/ sa skyong chen pos gtsos mnga' zhabs kun dang / khams stod smad thams cad nas dad mos kyis 'bul nod bsam gyis mi khyab pa byung ba kun de phyogs kyi sa dge kar 'brug rnying ma/ mdor na bon sogs ris su ma chad pa'i dgon sde tha dag la mang 'gyed sogs bsnyen bkur rgya cher mdzad cing / lhag par 'brug lor dpal ldan shes rab dang / lug lor shes rab lhun grub ste khong gnyis 'bul skyel la btang nas/ sa ngor rtse gsum sogs