[A:503]dgongs nas gsungs pa'i bstan bcos kyang dpag tu med cing / slob ma'i tshogs rnams kyis phyogs gcig tu bsdus pa'ang yid bzhin gyi nor bu rin po che lta bu'i bka' 'bum puu sti bzhi tsam bzhugs so/ /de ltar lugs gnyis kyi mdzad pa rgya chen pos bla brang skyongs shing / sbrul lor shar chen chos kyi rgyal po sangs rgyas bstan 'dzin rgyal tshab tu bkod nas/ rje nyid e waM gzims phug khang du zur bzhugs gnang / gdan sa chen po rtse gdong / dbus phyogs rnams su'ang byon te bshad sgrub kyi phrin las rgya cher mdzad cing bzhugs skabs/ sde dge sa skyong bla ma tshe dbang rdo rjes/ rgyal dbang mchod yon gyi bka' shog dang bcas pheb dgos par gsol ba btab pas/ byon par yang zhal bzhes te/ sa skyar phebs nas rgyu mtshan zhus pas/ bdag chen kun dga' bkra shis pa'i gsung gis/ sa ngor rnams su bzhugs nas bshad sgrub gnang na bstan phan che bar 'byung gsung zhing phebs pa la thugs dges pa mi gnang kyang / sde dge bla mas/ bstan pa dpang du btsugs pa'i sgo nas nan cher zhus pas zhal bzhes grub zin par brten mdzad thabs dka' rung rim gyis phebs par thag chod do/ /de ltar phebs pa'i gtam de kun gyis thos nas gtsang dbus kyi bla ma dge ba'i bshes gnyen/ mi chen sogs du ma yang chos zhu bar ngor du 'dus pa rnams dang / shar chen blo gros grags pa sogs gzhir bzhugs rnams la sngon