[A:505]gtsang dbus kyi dgon sde phal che ba'i bla slob gra rigs kun la mang ja grwa 'gyed sogs dpag tu med pa dang / sa skya lha khang du gser gyi rgyal mtshan cha/ ngor bla brang du gser zangs kyi rgyal mtshan cha 'dzugs pa sogs mdzad do/ /de yang 'bul skyel dang po'i dus nyid kyi phyag rdzas gzims phug khang na yod pa rnams bla brang du rje nyid kyis dus ja'i rten du sbyor 'jags dang / rten gsum rnams zhing khams rgya mtshor bzhugs su gsol lo/ /de skabs sde dger sa skyong bla mas thub bstan mkhan chen bzang po rgyal mtshan spyan drangs nas rje 'di pa dang thugs yid gcig 'dres kyis/ bka' chos phar gsan tshur gsan dpag med gnang / de nyid zhing du phebs nas gdung mchod sogs rje 'di pas mdzad/ rje 'di nyid sngon du sprel lor bsnyung gzhi byung ba nas bzung sku rim spangs dag sogs snga phyir phyogs ris med pa'i dge 'dun la phul ba blos zin pa tsam don 'bru thog tu phab nas bsdams par/ 'bru khal bye bar longs pa byung zhing / blos ma zin pa yang bsam las 'das so/ /gzhan yang rnam rgyal stong mchod du ma/ kun rig khri tshar du ma/ ma Ni zhal nas bgrangs pa rang dung gcig dang / yon gnang nas gzhan 'dren du bcug pa sogs bsdoms na dung phyur nyi shu lhag tsam dang / brgyad stong pa zhal nas gsungs pa dang klog tu bcug pa bcas brgya phrag du ma dang / mtshan brjod 'bum ther/ siddhi dung / zab