[A:506]mdo/ smon lam rnam lnga bcas bye ba phyed gnyis re/ gzhan yang mar me/ gser chab/ dar 'phan/ bla re sogs mchod rdzas phul ba bgrang ba las 'das so/ /mdor na dngos rdzas dar kha gang longs pa yan chad la'ang bdag 'dzin gyi dri ma gtan nas spangs par brten/ chos phyogs kho nar gtong ba ma gtogs chud zos su khab skud tsam yang gtong bar ma mdzad cing / bla brang 'di kho na la sbyor 'jags gnang ba'ang brjod par mi nus so/ /bar skabs su mdo khams stod smad rnams kyi dgon khag phal cher nyams chags che bar byung kyang / rgyal sras byang chub sems dpa' 'di nyid kyi thugs bskyed rmad du byung ba'i bka'/ sa skyong khu dbon gyi snyan du dengs pa tsam gyis bstan pa shin tu dar shing rgyas pa'i las bsgrub pa dang / bstan pa'i sbyin bdag chos kyi rgyal po khu dbon gyis lhun grub steng gi gtsug lag khang chen pos gtsos/ dgon sde che phra thams cad du gtsug lag khang re re dang / gzhan yang lha khang brgya phrag du mar sku gsung thugs rten bgrang las 'das pa bzhengs shing / de dag gi spyan sngar mchod rdzas tshar du dngar ba dpag tu med pa dang / 'phags pa brgyad stong pa'i glegs bam sum sgrig par du 'khod pa la dkar chag bsngags brjod rtsom pa gnang ba dang / rgyal ba'i bka' 'gyur gyi par bsgrub dgos tshul yang rje nyid kyis bka' gnang zhing / kun dga' chos 'phel gyis kyang bskul