[A:507]nas/ sa skyong chen pos mkhan chen rnam gnyis kyi dgongs bzhed ltar/ thugs su g.yar dam gyis phyis su rgyal ba'i bka' 'gyur ro 'tshal sogs ngo mtshar ba'i par du ma bsgrubs par mdzad do/ /gzhan yang dge 'dun gyi sde spel ba yang sde dge'i mnga' zhabs kyi grub mtha' so so'i/ dgon sde rnams su sngar bcu phrag kha yar tsam 'tshogs pa'i sar/ deng sang stong phrag dang / lnga brgya phrag dang / nyung ba rnams su'ang brgya phrag lhag tsam 'tshogs par 'gyur zhing / de dag so sor la chos gzhi dang / 'bul ba sogs rgya che ba'i bsnyen bkur zhus na/ skabs rnams su dbang lung khrid gsum gyi rigs rgya che ba so sor 'dod pa tshul bzhin du bskangs pa dang / rab tu byung ba stong du nye bar bsgrubs/ rang lugs kyi dgon sde rnams su/ bde kye gsang gsum sogs ngor lugs dkyil 'khor bdun du grags pa dang / mkha' 'gro rgya mtsho gtsos rgyud sde chen po rnams kyi sgrub mchod du ma/ spyod 'jug /'phags pa sdud pa/ sdom gsum rab dbye sogs mdo rgyud mang po'i zhal 'don/ nor bu'i phreng ba la sogs pa'i chos spyod mang po gsar du 'dzugs pa dang / sngar yod spel mar mdzad do/ /gzhan lugs rnams la yang gang la gang 'os kyi sgrub mchod rang blo dang 'tshams pa mang du btsugs nas mi nyams par dar rgyas su mdzad/ dge 'dun de dag gi sgrig lam la ched du