[A:508]dgongs nas gsungs pa'i bca' yig lhag bsam rab dkar gyi dgongs don ltar/ smin byed ma thob par cho ga la mi 'jug pa sogs phyag len rnam par dag pa mdzad de/ sha chang sogs log 'tsho'i bsnyen bkur gyi rgyun bcad nas/ gtsang khrims yang dag par gnang ba deng sang sde dge'i phyogs su sangs rgyas kyi bstan pa dar zhing rgyas par gyur to zhes kun gyis bla na bsngags pa 'di/ rje yab sras rnams kyi bka' drin las byung bar shes par bya'o/ /de ltar mkhas pa'i bya ba 'chad rtsod rtsom gsum gyi sgo nas gangs can gyi ljongs su rgyal ba'i bstan pa nyin mo ltar ches gsal bar mdzad do// //gzhan yang thos bsam bsgom gsum gyis sgo nas mkhas btsun bzang gsum gyi yon tan dpag tu med pa mnga' ba'i tshul ni/ rgyal ba yin kyang bskal par brjod kyang rdzogs par mi nus na/ bdag cag gis lta ga la zhig /'on kyang rgya mtsho las ni chu thigs tsam zhig gus pa'i sgo nas brjod par bya ste/ dam pa 'di nyid ni gzhi tshul khrims la gnas pas/ rtsa bzhi sha chang sogs nyes bcas phra mos kyang ma gos shing tshul khrims kyi dri bsung mngar pos rgyang ring po'i bar khyab cing / grub mtha' ris med kyi bla ma dang / dge bshes su gtogs pa tha dag la mos gus dang / chos gsan pa dang chos tshigs bzhi'i phyir du'ang sku srog 'dor nus pa'i blo stobs sogs rgyas sras kyi spyod pa kho na mnga' zhing / gsan pa'i gzhung tha dag la sgro 'dogs ma