[A:509]lus par legs par bcad/ snga phyir rgyal ba'i bka' dang bstan bcos sogs pu sti lnga brgya lhag tsam spyan sngar bstar ba'i tshig don thams cad phyin ci ma log par thugs la chud par mdzad pas/ yongs rdzogs bstan pa'i mnga' bdag chen por gyur to/ /sgom pa nyams su blang ba'i tshul ni/ rgyun du kye rdo rje/ rdo rje bdag med ma'i bskyed rdzogs kyi bzlas bsgom/ bla ma rin 'byung / bir srung phyi nang / lam zab bla ma'i rnal 'byor phyi nang / uryan bla ma'i rnal 'byor sogs bla ma'i rnal 'byor du ma/ mkha' spyod ma rdo rje 'jigs byed/ dmar po skor gsum/ bde mchog lu nag dril gsum/ 'jam dbyangs dkar ser/ smra seng / dbyangs can ma/ tshe dpag med dkar dmar/ tshe dpag zhag bdun ma/ sgrol ma dkar ljang / spyan ras gzigs phyag bzhi pa/ bcu gcig zhal/ 'jam dpal nag po/ /nor rgyun ma/ mgon po brag rdzong ma phyi nang yang gsang bcas/ zhal bzhi'i tshe sgrub sogs sgrub thabs du ma dang / o rgyan bla ma'i rnal 'byor zhi drag /gzhan yang yi dam chos skyong rnams la mchod gtor bskang bshags kyi rim pa/ 'jam sdud smon gsum/ nor bu'i phreng ba sogs chos spyod gtor ma'i rim pa dpag tu med pa/ za byed mkha' 'gro'i sbyin sreg /sAtstsha/ phyag dang bskor ba sogs thugs dam kho nas nyin mtshan dus 'da' bar