[A:510]mdzad do/ /gzhan yang / dpal kye rdo rje/ 'khor lo bde mchog lo nag dril gsum gyi gzhi'i bsnyen pa sbyin sreg bcas/ na ro mkha' spyod kyi bsnyen pa 'bru 'bum dang bzhi 'bum/ rig byed ma/ mgon dkar/ rdo rje 'jigs byed/ las gshin/ gur gyi mgon po brag rdzong ma/ lha dgu gsang khrid ltar lcam dral bka' sdod ltar gyi bsnyen pa/ 'byung 'dul/ mi g.yo ba/ 'jam dbyangs dmar ser/ 'jam dbyangs dkar po/ /dbyangs can dkar mo/ /smra ba'i seng ge'i ril bu sgrub pa dang bcas/ /spyan ras gzigs bcu gcig zhal dang phyag bzhi pa/ kun rig /'chi bdag 'joms pa/ tshe dpag med lha dgu /grub rgyal lugs/ zhag bdun ma/ sgrol ma dkar mo/ sgrol ma dmar mo/ lha mo te nu/ mi 'khrugs pa/ rnam 'joms pa ri lugs la sogs pa/ yi dam dpag tu med pa'i bsnyen sgrub sbyin sreg dang bcas mthar phyin par mdzad cing / mdun bskyed la brten pa'i kye rdo rje'i dkyil 'khor chen po sgrub mchod bdag 'jug blang ba brgya phrag sogs dang / yum gyi don du kun rig gi sgrub mchod brgya phrag du ma dang / zhal nas gsungs pa rang mtshan brjod khri phrag smon lam 'bum phrag lhag tsam/ ma Ni dung phyur gnyis gsungs pa sogs brjod kyis mi lang zhing zhib pa rnam thar rgyas par shes so/ /rje bla ma 'di sku na chung ngu'i dus nas sngon gyi las 'phro