[A:512] khyad par sdig spyod kyi rgyal po/ shen pa/ rngon pa/ log lta can dang / dbul phongs dang / nad pa/ mgon med pa'i mi dang sems can srin bu yan chad la byams snying rje shin tu che ba gnang zhing de dag gi sdig pa sbyong pa'i thabs du ma dang / rus pa mang po gcig tu bsdus nas sbyin sreg dang sA tstsha gdab pa sogs gnang / ston dus 'bu srin mang po shi ba rnams kyi don du mi 'khrugs pa'i cho ga mdzad/ gzhan yang ri rgya/ klung rgya sogs gnang sbyin dang thabs sna tshogs kyis sgo nas sdom par mdzad pa'i dge rgyun rnams ma chad par da lta yang khams phyogs phal cher na snang ngo / /gzhan yang sku rnam par dag pas srin bu sogs nyes skyon mi mnga' zhing / gsung rnam par dag pas chos kyi tshig don la 'khrul pa med par gdul bya rnams kyi rna bar snyan cing 'jebs pa tshangs pa'i dbyangs su lhang lhang ston pa las 'chal pa'i dri ma mi mnga' zhing / thugs rnam par dag pas ji lta ji snyed mkhyen cing yi dam gyi lha du ma'i zhal gzigs lung bstan pa sogs gsang ba'i rnam par logs na bzhugs par shes shing / chags thogs med pa'i mngon par shes pa yang tshad med pa mnga' ste/ mkhan chen tshul khrims dpal bzang / mkhan chen bkra shis lhun grub/ rdo rje 'chang bsod nams dpal ldan rnams e waM pa'i rgyal tshab rim 'ong sngon nas lung bstan pa dang / mtshungs med bstan 'dzin lhun grub la ngor du bstan phan 'byung ba sogs dang / gtsang