[A:542]pas nyams su myong ba'i tshul ni/ nyin zhag rer yang rgyun chad med par/ dpal dges pa rdo rje/ rdo rje rnal 'byor ma/ sgrol dkar/ mgon dkar/ rdo rje 'jigs byed/ bir srung phyi nang / zhal gyi tshe sgrub/ mgon po che chung sogs bskyed rdzogs zung du 'jug pa'i ting nge 'dzin gyis dus 'da' bar mdzad do/ /snga phyir dges rdor gzhi bsnyen sbyin sreg bcas dang / kun rig /mi 'khrugs pa/ tshe dpag med/ sgrol dkar/ mgon dkar/ 'jam dbyangs dmar ser/ 'jam dpal dkar po/ smra seng / spyan ras gzigs/ 'jigs byed las gshin/ mgon po brag rdzong sogs yi dam mang po'i bsnyen sgrub mthar phyin par mdzad pas/ dngos nyams mtshan lam bcas su zhal gzigs shing lung bstan pas rtags dang rten 'brel khyad par du 'phags pa byung ba sogs ngo mtshar rnam thar mang du snang ba rnams ni logs su shes par bya'o/ /gzhan yang don grub gling du gtsug lag khang dang / mgon khang gsar bzhengs gnang / thar lam du mgon po dkar nag gi sku brnyan khyad par du 'phags pa bzhengs pa dang / rga dang ldan/ 'dam thog yan gyi dgon gnas rnams su zab rgyas chos 'khor bskor bas skal ldan gyi slob ma rnams tshim par mdzad pas rgyal bstan yar ngo'i zla ba ltar rgyas bar gyur to/ /klu ldings su'ang 'bul skyel snga phyir mang du rgya che ba phul nas/ dgongs pa zhus te e waM gzims phug khang du bshad sgrub kho na mdzad kyin bzhugs pa'i tshe/ gzhung sa/ gdan sa'i bka' shog bcas/ ngor