[A:543]bla brang khag grwa tshang kun gyis gsol ba btab ste/ byams pa bsod nams bzang po'i rgyal tshab tu/ dgung lo nga gcig pa chu stag lor chos kyi khri chen por byon nas/ gsung ngag lam 'bras gtsos rgyud sde du ma'i dbang / khrid lung man ngag sogs dang / so sor thar pa'i sdom pa stsal ba bgrang las 'das pa/ dgon sde 'dis gtsos dbus gtsang khams gsum du snga phyir zab rgyas chos kyi dga' ston dpag tu med pa stsal bas gdul bya rnams skal ba bzang por mdzad cing / bstan 'dzin gyi bu slob ni gtso cher shar pa bdag chen zhabs drung rin chen mi 'gyur rgyal mtshan/ gling kha bde ba can gyi mkhan po/ yar lung bkra shis chos sdings lha rigs gnas sar dbon rin chen/ dge slong sangs rgyas dpal bzang / rje rang gi sku dbon/ khang gsar dbon po sogs skyes chen du ma/ sa skyong bstan pa tshe ring yab sras sogs bdag cag skal ldan gyi slob ma grangs med pa zhig bskrun pa mdzad do/ /bla brang du'ang rdo gcal lha khang du ldeb ris su mdo sde gser 'od nas gsungs pa'i phyogs bcu'i sangs rgyas/ bde gshegs mched brgyad/ byang sems nye ba'i sras brgyad sogs sems dpa' dang sems ma'i tshogs/ 'phags pa gnas brtan bcu drug /chos srung rgyal chen bzhi sogs ngo mtshar ba'i bkod pa dang bcas bzhengs te/ rab gnas bkra shis mnga' gsol rnam par dag pa sgrub par mdzad cing / mdor na sbyin bdag dang phrin las rgya che bas dpal 'byor rnam thos kyi bu la 'gran pa mnga' yang / bla brang rtsis sprod dus mi 'bral