[A:544]ba'i dam tshig rdo rje dril bu/ mchod zhal/ 'phral gyi gsol chas kyi mthun rkyen du dngul srang bco lnga/ gur gum thum chung gcig /sku la gsol ba'i na bza' tsam ma gtogs/ gzhan dngos rdzas dar kha gang du longs pa yang ma bsnams par rje gong ma rnams kyi dus mchod kar mer dmigs nas bla brang du sbyor 'jags mdzad cing / sbrul lor 'jam mgon tshul khrims lhun grub la gdan sa rtsis 'bul gnang nas/ sgrub khang bla brang du chos 'khor rtser zur du bzhugs/ thugs dam bshad sgrub la chig sgril mdzad bzhed la/ sde dge nas sa skyong bstan pa tshe ring gis spyan 'dren pa'i pho nya byung ste nan cher gsol ba btab pa dang / sa skya nas kyang bka' stsal gnang bar brten/ sprel lor shar phyogs su chibs kha bsgyur nas byang lam brgyud de phebs pas/ lam bar rnams su bla chen dpon chen dgon sde mi dmangs sogs ches mang bas/ mchod pa'i yo byad sna tshogs dang bcas bsu ba ser phreng dang 'bul nod rgya chen po phul zhing rim gyis lhun grub steng gi rgyal khab dang zung du 'brel ba'i chos khrir phebs/ sa skyong dbang pos 'bul tshan stong phrag gis gtsos mnga' 'og thams cad kyis 'bul ba bsnyen bkur tshad med pa phul/ rje nyid nas kyang gdul bya rnams kyi blo dang 'tsham pa'i dam pa'i chos kyi dga' ston stsal zhing / rje nyid kyi zhal nas bdag 'jam mgon sangs rgyas phun tshogs kyi slob ma'i tha chung tsam lags pas/ rang re mchod yon rnams kyang dam pa de'i mdzad phrin gyi rgyun ci nus bskyang dgos gsungs par brten/ sa skyong chen po