[A:545]nas kyang bka' bzhin sgrub par zhal gyis bzhes te/ gtsug lag khang gsar bzhengs/ dge 'dun gyi sde spel ba/ rgyal ba'i sku brnyan gser zangs las grub pa khyad du mtshar ba/ gser dngul gyis bris pa'i bka' 'gyur/ bstan 'gyur yongs rdzogs kyi glegs bam/ gser dngul dang tsandan sogs la mchod rten mang po/ lhag par sa skya bka' 'bum pu sti bco lnga'i par gsar bsgrub sogs sku gsung thugs rten dpag tu med pa bzhengs shing / gtsang dbus khams gsum gyi grub mtha' ris med pa la mang 'gyed bsnyen bkur zhu ba dang / bka' gang khyab kyi khams phyogs thams cad du/ zang zing gi gnang sbyin bcas mchod yon gnyis ka'i bka' che btsan kun la gnang ste/ dgon gnas nyams dma' ba rnams skyong zhing spel ba sogs/ bstan pa dar rgyas su mdzad cing / skabs 'gar chos sde rdzong 'go so so nas spyan drangs te/ yul dgon phal cher zhabs kyis bcags shing ser skya rnams chos kyis tshim par mdzad/ phyag tu phogs pa'i dngos rdzas rnams phal cher khams phyogs kyi dgon sde ris med la bsnyen bkur mdzad cing / gtso cher sa ngor rtse gsum sogs gtsang dbus kyi dgon sde che grwas kun la 'bul ba mang 'gyed snga phyi gnyis kyi phyi mar/ gnyer pa dam chos btang ba gnang nas/ gser zho stong phrag gcig dang nyag ma sum cu so gsum/ dngul srang brgya phrag phyed gnyis/ ja 'khor drug lnga brgya lhag /gos bzang sna tshogs bsgrigs pa'i phye phur che ba cha