[A:546]gnyis/ gos chen khyad du 'phags pa'i bla bre bcu phrag gnyis/ gzhan yang mchod rdzas gos dar ras sogs bsam gyis mi khyab pa bcas 'bul ba bsnyen bkur rgya chen po phul zhing / e wa~M bla brang gi lha khang gsar pa'i steng du zangs gser gyi rgyal mtshan cha/ ganydzir che legs/ bla brang mdzod nag du indra nI la'i phreng ba rgyan ldan gtsos mchod rdzas du ma sbyor 'jags sogs mdzad pa rlabs chen dang / gzhan yang dpal dges pa rdo rje'i sgrub thabs kyi 'grel pa zla zer gyi par gsar du bzhengs pa dang / rgyal ba'i bka' 'gyur ro 'tshal par btab nas bzhengs pa sogs bshad sgrub kyis dus 'da'i rmad du byung ba'i mdzad pa dpag tu med pas rgyal bstan rin po che phyogs kun tu dar zhing rgyas par mdzad/ dgung lo drug cu re brgyad pa sa mo lug gi zla ba gnyis pa'i tshes kyi nyin zhing gzhan du gshegs pa'i tshul bstan/ gdung zhugs 'bul rje nyid kyi dbon 'jam dbyangs chos kyi bla ma/ rdo rje 'dzin pa bkra shis bzang po/ bstan 'dzin 'byung gnas/ nam mkha' dpal bzang rnams kyis mdzad de/ gdung 'bum rin po che dang bzhugs gnas lha khang gsar bzhengs/ dus mchod rgyun 'dzugs sogs dgongs rdzogs kyi rim pa rgya cher sgrub pa dang / slar yang dbon 'jam dbyangs chos kyi bla ma/ mdzod dam chos bcas gdan sa gong 'og tu byon te/ 'bul nod/ mang 'gyed bcas gya nom pa dang / lam 'bras su kha bskangs sku brnyan gser zangs las bskrun pa mda' tshad khri rgyab yol bcas kyi mdun du mchod