[A:547]rdzas kyi rigs dang / zla ba byung ngo cog tu gtsug lag khang la dgram rgyu'i dus thang thog tshad ma/ dus ja gtan 'dzugs sogs rnam dkar dge rgyun dpag tu med pa sgrub par mdzad/ dam pa 'di nyid snga phyis bstan pa la sku drin che nges par gyur/ gzhan yang bstan pa'i 'dzin skyong / 'gro don phrin las spel ba/ zhabs brtan sku rim sgrub pa/ mya ngan las 'das nas sku gdung gi bya ba'i skabs su ngo mtshar ba'i rtags sogs bsam gyis mi khyab pa byung tshul rnams rje nyid kyi rnam thar dpag bsam ljon pa las rtogs pas gzigs 'tshal// //'jam mgon tshul khrims lhun grub ni/ rgya bod kyi skye bo du ma 'du ba'i yul dar rtse mdo zhes pa/ yab yum las 'phro dang ldan pa gnyis kyi sras su dge mtshan du ma dang bcas te/ a na la zhes pa me 'brug lor sku 'khrungs/ mtshan lcags thar zhes gsol nas yab yum gnyis kyis bskyed bsring nas cha cher phebs pa dang / rdo grags sgar du phebs nas de ga'i bla ma'i drung du yig klog rnams bslabs pas dka' tshegs med par mkhyen/ dgung lo bco brgyad pa chu mo bya la e wa~M du phebs te mkhan chen lhun grub dpal ldan gyis mtshan tshul khrims lhun grub tu gsol/ mus pa chos rje kun dga' rgya mtsho sogs mkhas btsun gyi slob dpon mang du bsten te mdo sngags kyi gzhung che chung du ma'i sgro 'dogs bcad/ thos sbyong gi skabs su nyin rer yang dpe shog ring grwas lnga drug re 'dzin pa'i thugs sher