[A:548]'gran zla bral ba zhig yin par grags shing / bar skabs su lha sa jo bo sogs dbus phyogs kyi gnas chen du ma la zhabs bskor dang / gdan sa chen po dpal ldan sa skyar mjal kha dang / rten gsum rnams la mchod 'bul bstan 'gro'i don du smon lam rgya cher sogs mdzad nas phebs/ bcu dgu pa shing pho khyi lor 'jam mgon sangs rgyas phun tshogs kyis mkhan po/ las kyi slob dpon dbu mdzad phrin las rgya mtsho/ gsang te ston pa gar dbang bsod nams lhun grub ste dge 'dun grangs tshang ba'i dbus su bsnyen par rdzogs shing / mkhan chen de nyid las byang chub sems dpa'i sems bskyed/ gsung ngag lam 'bras kyi gtsos dbang khrid lung man ngag /theg pa che chung gi gdams pa zab mo mang du gsan zhing / gzhan yang shar pa ye shes bzang po/ bdag chen kun dga' bkra shis/ mkhan chen byams pa tshul khrims dpal bzang po/ mtshungs med bsod nams dpal ldan sogs dam pa du ma'i zhabs pad bsten te zab cing rgya che ba'i dam pa'i chos mang du gsan zhing dam tshig dang sdom pa rnams gces par skyong ba'i sgo nas/ dges pa rdo rje sogs yi dam gyi lha mang po'i bsnyen sgrub bcas mthar phyin par mdzad/ dus rgyun du'ang dges rdor/ rnal 'byor ma/ sgrol dkar sogs yi dam gyi lha du ma'i rim gnyis kyi rnal 'byor dang / shes rab kyi pha rol tu phyin pa sdud pa sogs chos spyod gtor ma'i rim pa kho nas dus 'da'