[A:550]gzhan yang lugs gnyis kyi sgo nas bstan pa 'dzin skyong spel gsum khyad par du 'phags pa mdzad cing / bla brang du'ang g.yab chen du ston pa'i sku brnyan zangs gser las grub pa/ steng du gser zangs las grub pa'i rgyal mtshan cha gcig dang / lam 'bras lha khang gi steng du rgyal mtshan che legs cha gcig /ganydzir gcig dang / mdun gyi pad rgya'i ngos su maNDal e wa~M ma cha gcig /dbang khang du rnga chen gser ris ma spus legs bcu gcig /bka' 'gyur lha khang du tsandan gyi sku sgros gtsang du ma bzhugs khri bcas dang / mdzod nag du spyan gzigs sogs snga phyir rje nyid kyi phyag tu byung ba'i dngos rdzas rnams phal cher bla brang du sbyor ba gnang ba sogs bka' drin khyad par du 'phags pa nyid do/ /dgung lo nga lnga pa lcags pho khyi lo'i hor zla gnyis pa'i tshes bcu bzhi la zhi bar gshegs nas/ byams pa bsod nams bzang pos slob ma rnams la chos 'phro skyong ba dang / sku gdung zhugs 'bul sogs kyang rje de nyid dang thar rtse nam mkha' bsam 'grub ste mkhan chen rnam gnyis gtsor smos kyis mdzad/ dgongs rdzogs kyi lag len do dam pa zhing gshegs rang gi phyag mdzod dbon po bstan 'dzin lhun grub rang nas thugs khur bzhes te gdan sa chen pos gtsos 'di kha'i mkhan slob dge 'dun bcas la mang 'gyed sogs 'bul ba bsnyen bkur rgya che ba dang / gzhan yang lam 'bras lha khang du bla ma brgyud pa'i kha skong du rje nyid kyi sku brnyan dang / mchod rdzas khyad par du 'phags pa du