[A:582]sgros ye mi snang / deng sang shes bya phyogs re'i cha shas tsam shes pas thugs dam la gnod pa bzhad gad kyi gnas so/ /'phags pa ljon shing gi mdo las/ bsam pa med par nyal te gnyid log na/ /'jig rten 'di yi nyi ma sgo ru nub/ /ces dang / slob dpon zla ba grags pas dbu ma 'jug pa las/ yon tan thams cad brtson 'grus rjes 'gro zhing / /bsod nams blo gros tshogs ni gnyis kyi rgyu/ /zhes gsungs pa'i don gang yin rtsad gcod dgos par snang / mdor na slob dpon Arya de bas/ bsam pas byang chub sems dpa' yi/ /dge ba'am yang na mi dge ba/ /thams cad dge ba nyid 'gyur te/ /gang phyir sems de gtso ba'i phyir/ /zhes gsungs pa bzhin/ bsam pa sems bskyed kyi rtsis zin na gang yang dge ba'i chos yin snyam mo/ /mkhan chen byams pa bsod nams bzang pos mkhan po/ thar rtse mkhan chen nam mkha' bsam 'grub kyi las slob/ dbu mdzad sangs rgyas tshul khrims kyi gsang ston/ yar rgyas bla ma sangs rgyas bstan pas dus bgo ba/ gzhan yang dge ba'i bshes gnyen bla ma sangs rgyas dpal bzang sogs dge 'dun grangs tshang pa'i dbus su bsnyen par rdzogs/ de skabs dge slong gi khrims nyis brgya lnga bcu rtsa gsum gang yin ni ha ma go /'on kyang rtsa ba bzhi gang yin rtsad bcad nas bsrung khul byas/ 'phags pa klu sgrub kyis/ khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes dang / dge slong la rab tu gces pa'i mdo las/ shin tu legs par tshul khrims gang / /bsdams pa'i mi de mdzes pa'i gzugs/ /'dul ba la ni nye bar gnas/ /tshul khrims