[A:583]bslab par rang yid ches/ /mi de nyi ma gcig la yang / /bsod nams phung po dpag tu med/ /gsog cing sangs rgyas 'bras bu 'grub/ /ces dang / tshul khrims 'di ni bde ba'i mchog /tshul khrims 'di ni thar pa'i lam/ /tshul khrims 'di ni yon tan gzhi/ /tshul khrims 'di ni sangs rgyas rgyu/ /zhes sogs phan yon dpag tu med ba gsungs pas/ gal shin tu che bar go yang / tshul khrims bshad tshod dang mthun pa bsrung nus pa dang / bsrung lugs shes pa gnyis ka dka' mnyam du mchis/ 'on kyang rlom sems med pa'i tshul khrims dang ldan par bla ma dang dkon mchog gi byin gyis rlobs shig ces yid smon rgyun du bgyis so/ /kye rdor gzhi bsnyen zla ba brgyad tsam zhig byas/ mjug la las bzhi'i sbyin sreg blugs/ zad byed ces pa me pho stag gi lo ngor gyi mkhan po byed dgos tshul byung ba bzhin zla ba brgyad pa'i tshes nyer lnga dge ba'i nyin e waM gtsug lag khang du phyin lo lnga'i bar rang 'khos la dpags pa'i 'dzin skyong byas/ rgyal ba kun dga' bzang pos kwa ye kho bo'i rjes su slob pa rnams/ /sha chang la sogs ma dag 'tsho ba spangs/ /rmad byung yon tan kun gyi gzhi gcig pu/ /tshul khrims rin chen srog bas gces par bzung / /zhes dge slong gi khrims nyis brgya lnga bcu rtsa gsum las dus dbang gi sha chang gnyis la bkar te gsungs dgos byung 'dug cing / de la'ang deng sang nyan mkhan dkon pa'i khar/ thebs la nyes dmigs shin tu che ba'i tha ma kha 'then mkhan shin tu mang / chang dang tha ma kha gnyis tshe phyi ma