[A:584]rnam smin lci bar ma zad/ tshe 'dir yang lad tshabs shin tu che bar mthong bas nyan mkhan yod med ji ltar rung / phan tu re nas 'di skad smras so/ /chang tha ma kha la dga' ba'i mi/ /blo lad tshabs che ba dngos su mthong / /tshe 'di la mi mdzes phyi mar sdug /skyon 'di dag spangs na bsod nams 'phel/ /chang bag med 'thung zhing dug 'then mkhan/ /rang gcig pu phung bar ma zad par/ /mi gzhan yang mang po lad 'gro 'dug /phan ma thogs na yang gnod ma skyel/ /zhes sogs kyis mtshon sgo yig mang du sbyar/ chang bag med mi 'thung ba dang / tha ma kha mi 'then pa gnad shin tu che bar go /mdo las/ 'chi ba'i srog la kun kyang 'dzem/ /'tsho ba'i zas la kun kyang 'du/ /rang gi lus la dpe long la/ /gzhan la gnod pa ma byed cig /ces pa 'di rang gzhan gyi dran pa'i gsal 'debs su yang yang smras/ rgyal sras zhi ba lhas/ 'jig rten bde ba ji snyed pa/ /de kun gzhan bde 'dod la byung / /'jig rten sdug bsngal ji snyed pa/ /de kun bdag bde 'dod la byung / /mang du bshad lta ci zhig dgos/ /byis pas rang gi don byed dam/ /thub pas gzhan gyi don mdzad pa/ /'di gnyis kyis ni khyad par ltos/ /zhes gsungs pa'i gnad ma 'phyugs par nyams su len khul byas/ rgyas sras thogs med bzang po dpal gyis/ yul phyi rol gyi log sgrub sna tshogs pa/ /rang nga rgyal gyi