[A:585]khong yus ches pas len/ /nga rgyal gyi khong yus spong tsa na/ /rkyen log sgrub lam gyi grogs su 'char/ /zhes dang / lugs kyi bstan bcos las/ che phra'i bya ba gang la'ang rang gi 'dod/ /ha cang ches na kha dpe mi 'tshengs pa'i/ /phugs su rang la gnod pas 'dod nye dang / /phyogs cha nye ring nam yang med par mdzod/ /ces gsungs pa bzhin/ rang 'dod chung zhing spyi la phan sems che ba/ gnad che shos zhig tu go /lag len thams cad kyang de'i steng nas byed khul byas/ rgyas sras sems dpa' chen pos/ gang dang 'grogs na dug gsum 'phel 'gyur zhing / /thos bsam sgom pa'i bya ba nyams 'gyur la/ /byams dang snying rje med par sgyur byed pa'i/ /grogs ngan spong ba rgyal sras lag len yin/ /zhes gsungs pa bzhin/ sdig grogs kyi dbang du yang ma shor ba'i khul byas/ dpal mar me mdzad kyis/ mang po'i nang du ngag la brtag /gcig pur 'dug na sems la brtag /ces gsungs pa bzhin/ mang po'i nang du ngag la ma brtags par kha nas sna tshogs smras na/ la la'i dbu la phog /la la'i zhabs la phog nas las ngan gyi rgyur 'gro ba mang bas ngag btsun pa gal che bar go /rje sa paN gyis/ tshig ngan brjod pa'i 'jig rten du/ /'dod pa 'grub pa mi srid kyi/ /yid la rang 'dod bsgrubs na yang / /ngag gi kun dang mthun par gyis/ /rang dang gzhan gyi don 'grub