[A:586]na/ /'jam rtsub ji ltar byas kyang rung / /thabs la mkhas pa'i spyod pa la/ /g.yo sgyu thub pas ma gsungs so/ /zhes pa'i don yid la 'jags par byas/ bstan don la rgyar gnod nges kyi gnad mtshams gal po cher mi byed dbang med byung na ma gtogs/ mthu mdo sgrub 'di yang mang na rang gzhan kun la gnod/ dga' mi dga' cung zad re'i ched du drag las byed pa ni/ rang bsam pa ngan pa'i rtags su go /kha bstan don la rgyar snyad btags nas/ /don rang gi ched du mthu mdo sgrub/ /gzhan brlag phyir byed pa 'di rigs la/ /rgyu bden pa'i 'bras bu smin pa bden/ /zhes kyang smras so/ /spyod 'jug las/ nad kyis dkrugs pa'i mi dag ni/ /las rnams kun la mthu med pa/ /zhes pa ltar rang nyid lus gcod pa dang / blo rmongs pa sogs gang spyi'i thad nas sa stong bkag nas sdod pa tsam ma gtogs bstan pa la phan slebs che ba zhig mi 'dug pa nas/ rje sa paN gyis/ gang zhig shes pa'i bya ba bsko/ mi nus pa la 'ga' mi sbyar/ /chu la shing rtas mi bgrod na/ /thang la gru yis ji ltar bgrod/ /ces pa ltar/ nged rang mi lcogs pas dgongs khrol zhus shing / chos rje sangs rgyas ye shes pa chos 'chad nyan/ zhi dul gyi yon tan sogs gang ci'i mtshams nas mkhan po'i 'os su 'dug pa bzhin/ skyes bdag ces pa lcags mo lug gi lo chos khrir mnga' gsol yang / mdo sdud pa las/ rin chen chos kyang dkon la rtag tu 'tshe