[A:587]ba mang / /zhes gsungs pa bzhin/ rang cag bsod nams dman pas bar chad kyi dbang du song ba bya thabs bral zhing / 'khor ba'i chos nyid la yid skyo bar gyur nas/ rang nyid la smras pa/ nam shi 'gro nges pa ma mchis shing / /shi song na gar skye'i nges pa ci/ /dus da ltar rang dbang yod skabs su/ /las dge sdig blang dor tshul bzhin mdzod/ /ces kyang smras so/ /dpe chos rin chen spungs pa las/ bla ma'i gdams ngag thams cad ma lus par shes snyam yang / da dung brgya tshar stong tshar zhus pas/ thebs re dang thebs re mi 'dra bar blo la bskyed dang phogs mi yong mi srid/ ces gsungs 'dug pa bzhin/ thos bsam rgya chen po bya ba shin tu gal che yang / rang nyid lus gcong le lo dang mi nus pa 'di gnyis dbang che drag nas/ thos bsam bsgom gsum yid ches pa zhig bya rgyu ma byung / brtson 'grus rgyal chen dpon g.yog rnams 'dir phebs dang bstun nas dga' mo yong la re che zhig yod/ yid smon 'grub pa bla ma dkon mchog mkhyen/ gshin gson gyi dkor gyi mun pa 'di shin tu lci ba zhig 'dug /'on kyang bsngo smon gyi nyi ma shar na blo bde 'bol gyi 'gro 'dug pa rten 'brel gyi chos nyid du gda'/ lhag par gshin po'i bsngo rten byung skabs/ dpal 'phags pa spyan ras gzigs dbang mkhyen/ /bdag rin chen mi 'gyur rgyal mtshan la/ /blo gtad pa'i gshin gson mang po yod/ /kun khyed kyis thugs