[A:50b]rtogs pa 'bul ba la/ khu ston gyis lkog nyan byas pas/ sa thob pa tsam du mngon te/ khong phyir byung ba'i rjes/ khu ston gyis jo bo la/ de su lags/ rtogs pa ji tsam du 'dug zhus pas/ mal shes rab sems dpa' bya ba theg pa chen po'i sbyor lam dro la nye bar 'dug gsungs/ de gar song zhus pas/ kho rkang mgyogs kyi dngos grub thob pas rlung shod ngar gyi la la slebs song / rang sgreng la 'gro bar 'dug gsungs/ 'dis stod lung tsha thog gi dgon pa btab ste/ spyan snga'i rab byung mdzad pa'i mkhan po yin no/ /dbus nas khu rngog 'brom gsum grags che bas de rnams kyi lo rgyus 'og tu 'chad la/ gzhan yang rngog byang chub 'byung gnas/ rlan ye shes shes rab/ zhang sna nam rdo rje dbang phyug gsum la/ theg chen gdung rgyud rten mdzad gsum du grags/ ka ba ston pa shAkya dbang phyug rag shi ston pa tshul khrims gzhon nu/ rma ston pa shAkya byang chub/ dar ston pa byang chub dpal/ sba ston pa g.yu rung rin chen/ gar mi ston pa yon tan g.yu rung / rgyus ston pa chos kyi rgyal po/ bang ston chos kyi rgyal mtshan/ 'dang 'jang ston pa/ zhang sna chung ston pa/ lhab mi ston pa shes rab 'od zer te dbus kyi ston chen bcu gcig go /zhang btsun yer pa ba ye shes 'bar/ sa phug pa zhu sgom/ mkha' ru ba chen po grags pa snga ma ste sgrub pa rtse gcig tu mdzad pa gsum mo/ /gzhan yang rngog sgom yon tan rgyal po/ sgom pa dad pa bla ma/ rnal 'byor pa g.yung drung rgyal mtshan/ sum pa mthu chen/ sgro arYa byang chub/ khu sengge