[A:51a]rgyal mtshan rnams byon cing / zhang btsun yer ba pa ye shes 'bar ni/ rje btsun byams pa la chos gsan par gsungs shing / po to pa'i gnas kyi slob dpon yin la/ phyis kyi zhang yer 'bar ba rten skya bo bla ma zhang gi bla ma dang mi cig la/ de rnams jo bo chen po'i thun mong ma yin pa'i slob ma yin no/ /gzhan yang mar pa lo tsA la dbang rin chen phreng ba gnang / khyung po rnal 'byor la sems bskyed/ byams chos/ bde mchog gsang 'dus/ gshed bskor dang bcas pa gnang / mar pa do ba dang / pu hrang lo chung la bde mchog gi bskor rnams gnang / ba ri lo tsA la sgra'i skor rnams gnang ste/ mdor na gangs ri'i khrod 'dir skyes mchog kun la bka' drin gyis khyab par mdzad do/ /khams nas rnal 'byor pa chen po dpal ldan dgon pa ba/ rnal 'byor pa shes rab rdo rje/ phya dar ston pa dang bzhi la khams pa sku mched bzhi zhes grags pa de rnams kyi lo rgyus cung zad brjod na/ rnal 'byor pa chen po 'khrungs yul mdo smad tsong kha yos bu lo ba/ gdung rus lung / mtshan byang chub ran/ lo sum cu rtsa gnyis la dbus su byon/ jo bo dang thog mar mang yul bzor gnas su mjal/ lo dgu bsten/ dpal ldan dgon pa ba/ mdo khams stod kyi ldan ma sga pa'i sgrol ma lha khang pa/ gdung rus 'dzeng / 'brug lo pa/ mtshan dbang phyug rgyal mtshan/ mdo khams nas dang po kaM po ri pa bya ba'i grub thob gcig la gtad nas byon/ mnga' ris na paNDi ta byon 'dug bya ba gsan pas/ jo bo dang nya mtsho gnas