[A:52a]gyi zhang chen po la dge bsnyen gyi sdom pa blangs/ de nas dgung lo bcu bdun bzhes pa la/ se btsun dbang phyug gzhon nu khams nas yar byon/ rgya gar du 'byon par bzhed de/ bal yul bar byon/ lo gcig na slar log pa dang mjal khrid par zhus pas/ sang red shog gsungs bas/ tshong pa dang 'grogs te byon/ khams su lo hril po bcu dgu se btsun la bsten/ mdo sngags kyi chos mang du gsan mkhas par gyur te dge bsnyen chos 'phel du grags/ snying rje pad dkar du/ byang phyogs su bstan pa la dad pa lhar skye zhing / rab byung chos bzhin mi spyod pa log par ltung / der dge bsnyen chos 'phel zhes pa rdzu 'phrul dang ldan pa 'byung / zhes pa dang / sangs rgyas phal po cher yang / byang phyogs su dge bsnyen chos 'phel bya ba 'byung zhes 'brom ston pa nyid lung bstan pa yin no/ /de nas 'brom gyi dgongs pa la/ dal 'byor mi lus thob par dka' ba skyed pa'i dus 'dir chos rnal ma gcig byed na 'di tsam gyi chog gam mi chog rgya gar mkhas pa gcig la dri ba la bar du lo tsA ba mi dgos pa byed dgongs te paNDi ta sgra'i tsher ma bya ba la bi warta la sogs pa bslabs/ kha cig smr-irti nydzA na dang gcig par 'dod/ de nas lo tsA mkhas par bslabs/ de nas se btsun gyi zhal nas pha dang phrad par song gsungs te/ dgung lo so brgyad 'gro ba la yar byon/ byang 'phrang kha sogs chu khar phebs/ 'phrang kha ber chung gis ra sgreng gi dgon pa phul/ mnga' ris su lha bla mas paNDi ta spyangs te phebs