[A:60a]gyis/ sems bzang por gyis dang khyad par can cig dang / 'phrad de yong gis gsungs/ mdun na jo legs yod pas sems bzang po bya ba byang chub kyi sems la zer ba ma lags sam/ zhus pas/ yin mod gsungs pas de snga nas ma go rgyus med pa la/ des gsal btab pa 'dra ba cig byung nas/ de'i thabs lkog tu man ngag tu yang gsungs/ tshogs su lung dang sbyar nas kyang gsungs/ tha na bka' skyon tshun chod kyis kyang de'i thabs gsungs nas yod pas lo gnyis tsam du mya ngan bsangs pa 'dra ba cig byung / phyis sems bzang po byed pa la/ khong rang dgos par song bas mya ngan la sangs dus ma byung gsungs/ ra sgreng nas byon te sku mched gsum/ dang po klung shod na mgor bzhugs/ des nas gnas nges med du sgrub pa mdzad/ thugs gting zab pas yon tan 'di yod cher mi gsung yang / byang chub kyi thugs rang 'khrungs kyi tshul du mnga'/ yi dam lha dpag tu med pa'i zhal gzigs/ mngon par shes pa rgya chen po dang ldan pa'i tshul bsam gyis mi khyab bo/ /gzhan phan mdzad pa'i thog mar lam sgron/ yon tan mtha' yas par bstod pa/ bslab btus sogs gsungs pas grangs sum brgya tsam byung / de nas rim gyis 'phel te/ grwa pa nyis stong tsam 'dus/ de thams cad kyang tshe 'di blos thong pa sha stag yod par grags/ ram sdings ma bsrung na bzhugs dus cha rkyen med pas gos cung zad gnang ba la/ 'di ye mi gnang bar zhu/ bdag gi blo chud zos nas/ zad dus dge bshes kyis gnang ste 'ong snyam nas brnab sems skye zhus pas