[A:65a]du mdzad/ gtso bor po to ba la yun ring du bsten/ phu chung ba dang / khams lung ba chen po sogs la yang chos gsan/ po to ba gshegs nas/ thang grong ltag tu gtor ma mdzad dus/ gtor sder bya rog gis khyer te glang thang gi shar ri de'u de'i khar bzhag pas/ dpon shAkya bya bas zhabs tog byas te der lo gsum sgrub pa mdzad/ zhol du sgrub chu yang byung / nyin mtshan dbyer med du byang chub sems kyi ting nge 'dzin sgom pa'i mdangs la/ klu mo spun gsum gyis glang thang gi gnas phul/ dge 'dun gyi sde 'dzugs par zhus/ phyis ri de'i steng nas yar 'phur te/ thugs dam gyi phreng ba skyur sar khron pa brus/ dbu zhwa skyur sar bla brang byas te dgon pa btab/ slob ma mang du 'dus/ bka' gdams gzhung drug lam sgron sogs la 'chad nyan mdzad cing / bdag gzhan brje ba'i byang chub kyi sems kho na gtso bor mdzad de/ gsung las kyang / kho bos rlung tha mal du gtong ma myong gsungs/ zhal bzhugs rin glang thang gi lcags ri'i nang du srog chags rnams cig la cig mi 'tsho bar grags/ dgung lo bdun cu pa yos lo sa ga zla ba'i nyer gsum la dpe'i chu lung du gshegs/ rgya lcags ri gong kha ba ni/ khams su glang ri thang pa'i snyan pa thos pas/ dbus su chos la 'byon pa'i 'dun pa yod pas/ glang ri thang pas mkhyen nas der byon/ bgegs bskrad/ gtor mas byin gyis brlabs pas mi'i lus su gyur/ srin mo cig gi gnod pas pho bo drug 'das/ khong rang yang sngags kyi bcings te/ khyi'i lus su bsgyur kyang / glang ri thang pa la mjal bar mgron po'i phyi la yong /