[A:70b] chen snying por btags/ gtsang phyogs la gzhon nu nas mtshan nyid kyi slob gnyer la byon nas/ bla ma seng ge sgra gcan 'dzin bzang po dang / paNDi ta 'bum phrag gsum pa sogs mkhas pa mang po la mdo sngags kyi gsan sbyong rgya cher mdzad/ rtsod pa yang bzang / de nas stod lung thag mar/ dbus gtsang gi ston chen thams cad 'tshogs nas chos kyi bgros gleng 'ba' zhig mdzad pas/ khong gis kyang grwa skor la byon/ rtsod pa mdzad pas/ klo kya gtso rgan bya bas nyan nas/ khong na re bod dbus gtsang gi ston chen 'di tsam cig nyin re bzhin 'tshogs nas/ mar 'khor ba yong lugs/ yar thar pa sgrub lugs kyi chos tshig bzhi pa cig med par/ klad pa gas gas ba glang dkar zal la 'chi ba 'di byung re che zer ba gsan pas/ khos kyang de tsam cig go 'dug na/ da rgya gar du chos 'tshol ba la 'gro dgongs nas byon pa dang / mkha' ru ba'i grwa ba dge slong snam sbyar phrag par bzhag pa tshul khrims kyi dri bro ba cig dang mjal te/ tshe 'di yun thung shes bya'i rnam pa mang / /tshe yi tshad kyang ji tsam mi shes pas/ /ngang pa mtsho la 'o ma len pa ltar/ /rang gi 'dod pa dang du blang bar bgyi/ /zhes gsungs/ de sus mdzad byas pas/ jo bo'i gsung yin zer/ gang nas byon byas pas/ mkha' ru dgon pa nas 'ong zer bas/ mkha' rur byon/ skyabs 'gro'i chos skor gsungs pa gsan/ de nas mkha' ru bas lung bstan nas/ ra sgreng du rnal 'byor pa chen po'i spyan sngar byon/ lta ba'i dri ba mang po mdzad pas/