[A:71a]ston pa sngon du thabs goms pas rgyu smin dgos pa yin gsungs nas thog mar skyabs 'gro dang / byams snying rje nas rim gyis khrid de chos mang du gsan no/ /de nas spyan snga sku mtshams la bzhugs pas/ rnal 'byor pas mjal sna mdzad de chos gsan/ rtsa ba'i bla ma zhus/ de nas rnal 'byor pa lo dgu/ dgon pa ba lo lnga bsten/ spyan snga lo bdun 'bral med du bsten te bka' gdams kyi chos thams cad rdzogs par gsan/ gser srang brgyad brgya 'bul bar dam bcas te/ phyed phyag tu phyin pa la spyan snga gshegs pas/ bzhi brgya'i tshab tu dgung lo don gnyis la/ lam pa'i gtsug lag khang gi rmang btings te rdzogs par grub/ sku gsung thugs kyi rten snga phyi dpag tu med pa bzhengs pa'i grags che ba la/ rab gnas kyi dus su spyan snga pa la chos gsungs pa'i/ 'jam dpal dpa' bo'i sku la sogs pa/ rgyud sbyangs ma bdun dang / rnal 'byor pas rab gnas mdzad pa/ po to'i gsung 'byon/ mkha' ru'i ljang skyes/ btsan 'gro'i chu khol zhes/ rten rtags thon gsum du grags pa sogs rten mang du bzhengs/ spyan dang mngon par shes pa mnga'/ yi dam mang pos zhal gzigs/ bden gnyis kyi rtogs pa thugs la 'khrungs/ 'gro don rgya cher mdzad de/ slob ma rtogs ldan sdings po ba snub chos 'bar/ dge bshes lha bzo/ khyung khams po che/ klog skya/ dge bshes zar pa/ bya 'dul 'dzin/ dge bshes gnas brtan la sogs pa rtogs pa dang / gzhan phan