[A:76b]'byor pa bsod nams rgyal mtshan 'khrungs yul gzhung / yab se shes rdor kyi sras su 'khrungs/ glang lung pa'i phyag phyir yun ring bzhugs/ bla mchod pa lo 'ga' dang / lo bya yul gyi gdan sa lo dgu mdzad nas/ grog gi dbye phu dgon pa btab pa'o/ /sangs rgyas sgom pa ni/ 'khrungs yul gzhung / yab 'be spyan ras gzigs kyi sras su 'brug lo la 'khrungs/ lo bcu bzhi la 'dul ba 'dzin pa sbal ti'i sar rab tu byung / mtshan rdo rje gzhon nur btags/ de nas lo bco brgyad la glang lung pa stod lung du byon pa dang mjal/ lo bcu bzhi bsten/ rtogs pa khyad par can 'khrungs/ de nas la mo lha khang du lo drug sku mtshams mdzad/ so brgyad la ra mo cher mkhan po sbal ti la bsnyen rdzogs zhus/ 'dul ba mkhas par bslabs/ lor byon nas zhe bzhi la lo bya yul gyi gdan sar byon/ glang lo bar bdun cu bzhugs/ zla ba bzhi pa'i tshes bzhi la lor gshegs/ de nas gtsang pa jo sras kyi lo dgu mdzad/ lo'i dbu rtse gsar ma bzhengs/ zem rin po che ni/ yul ha ma mdo'i de'u gong bya ba/ phag lo la yab pa yag rtse mo'i bur 'khrungs/ lo bcu bdun la lor sangs rgyas sgom pa'i spyan sngar byon pas/ sngon la gro sar song gsungs nas rnal 'byor byang seng la rab byung zhus/ mtshan grags pa seng ger btags/ 'dul ba dang / jo bo nas brgyud pa'i chos mang du gsan/ lo lnga bzhugs/ yar lam rin chen sgang du sangs rgyas dbon la chos zhus/ de nas ha ma mdor lo bzhi sgrub