[A:80b]ston pa sogs mang du byon/ sher phyogs gsungs ba'i tshe me tog gi char 'bab pa/ yi dam dang chos skyong zhal gzigs pa sogs rgyas par rnam thar du gsal la/ lor byes pa mkhan po lo lnga/ gzim 'og lo gsum/ gdan sa gong lo bcu bdun mdzad/ bdun cu don lnga pa 'brug lo zla ba bcu gcig pa'i nyer drug bar du bzhugs/ rje bsod nams lha'i dbang po ni/ byams mgon gnyis pa rin po che tshul khrims dar las bsnyen rdzogs mdzad de/ bka' gdams kyi chos bskor phal cher gsan/ rong ston thams cad mkhyen pa/ byang ra sgreng pa sems dpa' chen po shAkya bsod nams/ ra sgreng pa rin chen grags pa/ chos rje kun dga' rgyal mtshan pa/ dwags po 'jam dbyangs bkra shis rnam rgyal/ dus zhabs don grub kun dga'/ bka' 'gyur ba shAkya rgyal mtshan sogs yongs 'dzin mang du bsten nas mdo sngags rab 'byams kyi dbang lung khrid man ngag sogs kyi gsan pa dpyis phyin par mdzad cing / dpal lo dgon pa'i spyan snga lo mang du mdzad/ dgung lo don drug gi bar du spyir bstan pa dang / khyad par bka' gdams kyi bstan pa ches cher gsal bar mdzad cing bzhugs so/ /spyan snga ngag dbang chos kyi grags pa ni/ yab stong dpon 'phags pa dpal dang / yum spyod yul mtsho gnyis kyi sras su lcags mo glang gi lo sku bltams/ bsod nams lha'i dbang po las rab tu byung / mtshan ngag dbang chos grags rgyal mtshan dpal bzang por btags/ 'jam