[A:99b]bka' brgyud 'di'i lugs kyis bdud rtsi 'khyil pa'i sprul par bzhed de mi 'gal lo/ /yang dzambha la dkar po 'brug bzhon lha mo bzhis bskor ba ni jo bo ri bo po ta la'i 'gram na byon pa'i dus/ spyan ras gzigs kyis zhal dngos su bstan nas gnang ste/ phyi nang gsang gsum gyi las tshogs dang / chu sbyin bya thabs sogs dang / sme brtsegs ljang khu'i sgrub thabs las tshogs dang bcas pa dang / gtsug tor dri med/ gtsug tor gdugs dkar gyi rjes gnang la sogs pa jo bo nas brgyud pa da lta ma chad pa mang du bzhugs so/ /jo bo nas brgyud pa'i dbang brgyud yod pa la/ bde mchog lU hi pa/ bde mchog bcu gsum ma/ gsang 'dus 'phags lugs/ ye shes zhabs lugs/ jo bo nyid kyi gsang 'dus 'jig rten dbang phyug mahA ma ya/ yo ga gtsug dgu kun rig jo lugs/ snur pa rnams de las brgyud cing phyag len mdzad pas snur lugs su grags pa dang / rdo rje phag mo rin chen rgyan dang / spyan ras gzigs lha mang du grags pa/ klu sgrub dang / jo bo nyid kyis mdzad pa'i gzhung dang rjes su 'brel ba'i dbang bka' la sogs pa da lta bzhugs pa mang du yod par sems so/ /chos skyong skor la/ bka' gdams pa spyi la grags pa/ mgon po gri gug la gtso rkyang lha gsum/ lha bzhi/ lha lnga/ lha mang sogs lugs mang du 'dug pa rnams la mgon po'i rgyud 'ga' re dang / rgya gzhung che chung bco lnga tsam snang ba'i gtso rkyang la jo bo chen po dang / a wa dhU ti pa gnyis kyi gzhung re dang / de la paNDi ta 'jam dpal dbyangs kyi 'grel pa dang / gtso 'khor gsum du byed pa paNDi ta grags pa rdo rje'i rgya gzhung dang / de'i gsal byed bya yul bas