[A:28a]bod kyi mi rnams byung tshul dang / bstan pa snga dar gyi dus su dam pa'i chos 'phel 'grib byung ba'i tshul rnams cung zad bshad na/ de yang bod kyi mi rnams/ bka' chems ka bkol ma las/ spre'u dang brag srin gyi rgyud du bshad/ lha las phul du byung ba'i bstod 'grel las/ skyabs seng bu sde lnga dang / dgra ngan dpung tshogs bcu gnyis ma mthun pa'i tshe/ rgyal po ru pa ti zhes pa dpung dang bcas pa kha ba can du bros pa'i rgyud yin par bshad de/ bka' gdams brgyud pa 'di pa gnyis ka'i rgyud du bzhed la/ de nas bod kyi rgyal po la snga ma rje gnya' khri btsan po nas/ rgyal rabs nyi shu rtsa brgyad pa/ sangs rgyas sman bla'i sprul pa lha tho tho ri gnyan btsan byon te dam pa'i chos kyi dbu brnyes pa tsam mdzad/ de nas rgyal rabs lnga pa la 'phags pa spyan ras gzigs dbang phyug gis rgyal po srong btsan sgam po'i skur sprul te/ bod kyi mi rnams dge ba bcu'i lam la bkod cing dud 'gro rnams kyi rna bar yang / arYa a wa lo ka zhes bsgrags pa sogs rim gyis thar pa'i sa bon 'jog par mdzad/ de nas rgyal rabs bzhi na 'phags pa 'jam dpal gyi sprul par grags pa byang chub sems dpa' khri srong lde'u btsan gyis za hor gyi mkhas pa chen po zhi ba 'tsho spyan drangs nas/ sad mi mi bdun la sogs pa rab tu byung zhing / slob dpon padma 'byung gnas kyis bod kyi lha srin gdug pa can rnams btul/ sangs rgyas kyi bstan pa btsugs pa las/ de dag nyid kyi ring la pha rol tu phyin pa dang / rdo rje theg pa'i bstan pa mtha' dag rgyas