[A:37a]'byon pa'i thag chod kyi zhal bzhes dang / gtsug lag khang gi gnyer gtad thams cad mdzad de/ gzhan gyi mig brid pa'i phyir res gar gshegs/ res 'ga' gshegs pa ltar mdzad nas/ bod du 'byon par chas pa na sku gsung thugs kyi rten dang / dpe rnams sprul pa'i mi gnyis kyis g.yag khyu gcig ded byung ste/ sa thag ring por 'gro ba la zar snga dgos pa yin zer nas drangs song / nangs par jo bos/ gnas brtan ratna a ka ra la/ bod 'di rnams la gnas chen rnams kyi gtsug lag khang ston pa dang / mchod pa re skyel du 'gro bas bde bar bzhugs pa zhu gsungs pas/ gnas brtan gyi zhal nas de ltar legs/ nged kyang rjes su 'jug par zhu zer nas/ gnas chen mang du byon pa'i rjes su/ gnas brtan chen po/ nged mi dra'i gtsug lag khang du 'gro bas/ khyod shugs thag ring po la 'o brgyal gsungs pas/ gnas brtan gyi thugs la/ da bod du 'byon par snang snyam nas/ nag tsho la tshe dang ldan pa khyod slob gnyer la 'ong zer nas nga'i paNDi ta rkur 'ong par snang / 'on kyang bod kyi chos rgyal byang chub sems dpa' de la sems brtse zhing / de'i mi nor mang po chud zos pa dang / khyod kyang nga'i slob ma yin pas lo gsum spyan drongs/ de nas tshur spyan ma drangs na rgya gar yang bstan pa nub pa tsam du 'gro ba yod gsungs pas/ nag tshos kyang khas blangs/ der jo bo'i zhal nas gser srang rnams khyer shog gsungs nas/ cha bzhir bgos te bla ma rnams dang / dge 'dun spyi dang / bi kra