[A:37b]ma'i rgyal po dang / gtsug lag khang rnams la bsngos/ gtad gnyer thams cad ratna a ka ra la mdzad de phyir ldog go /de yang jo bo dgung lo nga bdun bzhes pa stag gi lo la rgya gar nas btegs/ kha cig nga dgu bzhes pa'i lcags pho 'brug la btegs pa dang / kha cig dgung lo re gcig la btegs par 'dod de/ snga ma 'thad par sems so/ /de nas jo bo dpon slob mi dra'i gtsug lag khang nas rgya gar gyi sa'i mtha' la byon pa na/ mu stegs kyi gcer bu pa bco brgyad tsam rdzu 'phrul gyis nga rgyal la/ bod du sangs rgyas kyi bstan pa dar ba la phrag dog gis/ der rdzu 'phrul gyis lhags nas/ jo bo dpon slob rnams la bar chad byed par brtsams pas/ jo bos sgrol ma'i bskyed rim gyis/ rengs par byed pa'i jag chings mdzad de/ thams cad lder bzo bzhin du song / de nas bal po'i mthar phebs pa na/ mu stegs bsam pa ngan pas rang phung bar byas pa yin gsungs nas bye ma la sngags btab ste tshong pa la bskur nas/ lam kha na gcer bu ba 'di 'dra ba yod pas bye ma 'di thor/ langs 'ong gis bred mi dgos/ nged kyis bcings pa yin gsungs/ tshong pa rnams kyis de ltar byas pa grol te song ngo / /de nas 'phags pa shing kun tu phyags phebs pa na rgya gar nas khyer ba'i dngos spyad rnams dang / lha btsun pa'i bsu ba gtso bo mi drug kyang der slebs/ dkon mchog mchod pa dang / bod lugs kyi gdan gyi bkod pa bzang po bshams/ jo bo ta la'i bsil grib la gral gyi gung la spyan drangs/ gtso bo