[A:48a] ji ltar mjal ba'i tshul sogs ni gong du bshad pa ltar yin la/ gzhan yang yo ga gsang 'dus/ bde mchog sogs kyi dbang dang rgyud kyi bshad pa/ man ngag sogs theg pa gong 'og gi chos mtha' dag gis thugs tshim par mdzad/ rdo rje rnal 'byor ma'i byin rlabs gnang bas rtogs pa khyad par can 'khrungs pas lhag par dad de/ lha rten dang dpe ma gtogs pa gang yod phul/ jo bos dbus su lo tsA la 'gro dgos gsungs pas/ nga rgas pas mi nus zhus/ 'o na sgrub pa bgyis gsungs pas mnyes te/ lo tsA ba chen po la paNDi ta'i bla ma drug cu yod kyang / jo bo nyid ma gtogs pa gzhan rnams kyis sgrub pa la ma chud/ de nas lo tsA bas sgo gsum rim du byas pa la/ dam bca' ba'i yi ge gsum bris te sgrub pa mdzad pas/ gsang 'dus dang bde mchog gi zhal gzigs/ dgung lo dgu bcu rtsa brgyad la dgun zla tha chung gi tshes bcu bdun skar ma rta pa yod pa'i nyin mkha' spyod du gshegs par gu ge khri thang pas gsungs so/ /rgya brtson seng gtsang stag tshal du 'khrungs/ rten dge bsnyen zer te phyis rab tu byung ba mdzad/ rgya gar du jo bo la chos mang du gsan/ 'jam dbyangs kyi sprul par chos kyi 'byung gnas su bshad cing bal por sku gshegs/ lo tsA ba nag tsho ni/ yul gung thang / gdung nag tsho/ mtshan tshul khrims rgyal ba/ 'dul ba 'dzin par grags/ rgya brtson seng la mngon pa mkhas par bslabs/ dgung lo nyer bdun la rgya gar du jo bo chen po spyan 'dren