[B:55b] ti de zhal lta ba nas de'i dbu zhabs kyi don thams cad bshad/ de nas dpe cha de'i steng nas 'bru mnan zhing legs par bshad thub par 'dug tshar gcig bklags pa de slob gnyer gyi tshab yin gsung / dus deng sang gi gnas skabs na ni/ bdag ni sgrub nyams da ni ci bya zhes/ 'chi ba'i tshe na byis pa mya ngan byed/ ces bya ba'i dus la kho bo bab 'dug 'gyod par byas pa gzhon dus brgal?sgal[A:131] tshigs ma srang ba de yod/ 'on kyang de bzhin gshegs pa'i snying po dag par byed pa'i chos/ mos pa dang / shes rab dang / ting nge 'dzin dang / snying rje ste bzhi gsungs pa las mos pa la lag pa thebs/ de'i don gyis da ltar khyod kyi mdo sde ji snyed cig klog pa de thams cad la mi go ba gcig kyang mi 'ong bar 'dug ces slob dpon smon lam grags pa la bka' gnang yang de'i phyi zhig na/ bde bar gshegs pa'i gsung rab la mtha' ni med/ 'on kyang mthong ba thams cad la mi go ba mi 'ong bar 'dug gsung / pha rol du phyin pa dang gsang sngags kyi phyogs gang la'ang mkhyen pa'i mtha' mi mngon pa yang rgya je che/ dpangs je mtho/ gting je zab tu 'gro bar snang ste/ zhi bar gshegs khar yang / rgyud bla ma'i 'grel bshad brtsom pa'i skabs las don gyi go ba ngan du ma song bar 'dug ces dang / skabs su de ring de blo bskyed che zhes gsung ba'ang mang du gnang bar 'dug dge ba'i bshes gnyen kha cig la lo mang du lon nas gzhon dus mkhas par bslabs shing tshig kyang byang bar byas pa de thams cad nogasate bgros glengs la langs pa'i tshe gzhung gi 'jog kyang rang bas gzhon pa la 'bul dgos shing / na ning bar legs par bslabs pa yin te zer nas yi mug pa'i gtam dag gtong bar byed pa'ang mthong ngo / zhal snga nas ni dgung lo'i phung po 'di tsam zhig la zhabs bkod par mdzad kyang / rkyen 'dzom na gsung thams cad je gsal/ rnam par bshad pa thams cad je rgyas/ 'bel ba'i bka' mchid thams cad je 'phel/ rgyal ba'i gsung rabs thams cad la snang ba je yangs/ tha snyad kyi 'jog