[B:62b] cad byin rlabs mi thob pa tsam du zhu/ dad cing gus par byung ngo / me mo glang gi dbyar rtses thang du bzhugs/ de'i ston sne'u gdong nang so nas sbyin bdag dang do dam chen po mdzad/ mkhan chen kun dga' rgyal mtshan pa gtso bor gyur ba'i dge ba'i bshes gnyen mang po la sa phur lha khra'i dbang drag po bsgral dbang dang bcas pa gnang / de'i tshe dkyil 'khor gyi steng du 'bu phyin pa'i rjes thal mar yod pa byung ba sbyin bdag la lta bar 'dug gsung / dgung lo drug bcu rtsa brgyad pa sa mo yos kyi ston rdo rje 'dzin pa rdor bzang pas gsol ba btab nas yid bzang rtser sde snod 'dzin pa chen po blo gros seng ge chos 'phel bzang po/ yon tan rgya mtsho/ bsod nams dpal ldan/ gzhon nu dbang phyug bla ma bstan pa rgyal mtshan pa la sogs pa rnams kyang sku mtshams su bcug nas/ thog mar gsang 'dus rim lnga'i bshad pa shin du rgyas pa/ de nas 'grel pa sgron gsal gyi bshad pa zhib par gsungs/ de grol 'phral du bla ma bstan pa rgyal mtshan pas gsol ba btab nas/ sgyu 'phrul zhi khro dang dong sprugs kyi dbang gnang / chos rje rin po che lo chen gyis [A:148]mchod g.yog phal cher ba mdzad/ dbang zhu yang chos kyi rje rin po che nam pa'i zhal snga nas dang / chen po dpal 'byor rgya mtsho ba dang / bu tshal ba'i lha btsun pa la sogs pa shin du mang bar 'dus/ 'brug gi lo la rdo rje 'dzin pa rdo rje bzang po bas gsol ba btab nas/ brtag pa gnyis pa'i spyi bshad dang gzhung don rgya chen po gsungs/ 'jam dpal gsang ldan rngog pa'i Ti ka dang bcas pa dang / mtshan brjod 'grel pa sngags don rnam gzigs kyi steng nas bshad pa/ jo bo'i chos chung brgya rtsa la sogs pa mang du gsungs/ ston ma dbyar gyi dus su dpal kun bzang rtse pa la sgyu 'phrul zhi khro'i dbang legs par gnang / de'i dgun 'brug pa rin po che kun dga' dpal 'byor la paN chen rin po che'i lung bstan la dus 'khor 'dir zhus gsung ba yod pa yin zer te phebs/ bkur stis mnyes par mdzad/ khong dpon slob