[B:2b] rnams kyis rjes su bzlos pa'i phrin las phun sum tshogs pa dang ldan pa/ gsol ba ji ltar btab pa bzhin du yun du bzhugs par bzhed pa'i thugs rje chen po mnga' ba/ mnal lam gyi 'jug pa yang sgyu ma'i rnam 'phrul ltar spyod par nus pa/ sgrib pa med pa'i chos kyi sgo phul du byung ba mngon du brnyes pa/ slob ma mchog dman bar ma'i skal ba dang mtshams pa'i chos ston pa la ngal ba mi mnga' ba/ ma 'ongs pa'i dus kyang sems dpa' chen po'i rnam par thar pa rgyun mi 'chad pa zhes bya ba ni/ rags pa'i sde tshan rnam par dbye ba'i mdor bstan gyi yal gas phyug par gyur pa nyid do/ / da ni de rnams rgyas par bshad pa'i 'dab ma rab tu rgyas shing don bzang po'i 'bras bus mngon par brjid pa spros te brjod pa la/ [A:4]
2 sku'i skye ba snga ma mang por rlabs po che'i sbyod pa rab tu spyad pa zhes bya ba ni/
grub chen u rgyan pa'i slob ma go lung pa gzhon nu dpal du gyur to zhes bya ba dang / 'jig rten gyi bya ba btang ba'i brtul zhugs la gnas pa sha stag tu 'khrungs pa las 'di ni brgya dang bcu bdun pa yin no/ zhes lhag pa'i lhas mnal lam du lung bstan pa dang / bsam yas su phyin pa'i tshe/ khyad par du dad pa 'phel zhing dang po sangs rgyas kyi bstan pa 'dzugs pa'i dus su nges par bya ba rnams la gtogs pa zhig yin bsam pa skye ba zhig yong gi 'dugasu yin ni mi shes bstan pa 'dzugs pa'i dus su nges par bsam yas su skyes pa 'dra gsung zhing / bsam yas bzhengs pa'i lo rgyus dang / rgyal blon rnams kyi bya ba ji ltar mdzad pa dang / mkhan po bo dhi sa twa dang slob dpon padma phebs nas bstan pa btsugs pa dang / lo tsA ba chen po rnams kyis chos ji ltar bsgyur ba gsung dus spyan chab mang du 'byin zhing / gus pa'i rnam 'gyur cher mdzad pa dang / snar thang nas jo mo nang mjal du phebs pa'i phyir lam/ brag ram du byon/ de ni se ba mang du 'dug pa la se 'bru rnams mthus/ gtsug lag khang der phebs nas bzhugs pas de'i tho skor gyi skye bo rnams kyi tsam pa dang dar ba la sogs mang du khyer nas 'bul du byung / der phebs ma thag nas de rnams su shin du bag phebs pa dang yul yin pa snyam byed pa dang / gtsug lag khang de'i nang du phebs pa tsam gyis sngar 'dris rgyus yod pa snyam byed pa dang / ka gdong 'di rnams su yangachos kyi bshad pa la