[B:3a] sogs pa chos phyogs kyi bya ba mang po zhig bdag gis byas pa yin snyam pa'ang yun ring bar byung / [A:5]brag ram der yang nges par skyes pa 'dug gsung / 'ji lha khang stengs su bzhugs pa'i tshe bla ma bkra shis bsod nams pa zhes bya ba'i rnal 'byor gyi dbang phyug skyes bu dam pa/ dus kyi 'khor lo la sogs pa'i sku yon tan shin du che ba/ khrid kyis gdul bya smin par mdzad pa de la sogs pa la chos gsungs tshe khong gi gsung nas drung pa bcom ldan rigs ral yin snyam du yang yang nyams la 'ong ba zhig byung zhus par 'dug cing / bdag gi bla ma mtshungs med nam mkha' blo gros kyi zhal snga nas ni/ kho bo'i bla ma dam pa 'di dpal phag mo grub pa dpon slob kyi skor de na bzhugs pa zhig cis kyang yin bsam pa yod gsung / chos rje rin po che lo chen gyi zhal nas/ mdo sngags thams cad la mkhyen pa mtha' yas shing / lo tswa byang ba dang de'i rtsom pa rnams la'ang dgyes par snang bas/ nges par rong zom chos kyi bzang po'i sku skye yin pa 'dra zhes bdag la yang yang gsungango / / mkhyen pa dang mdzad pa'i tshul gang la brtags kyang sku'i skye ba snga ma ma mang por nges par sbyangs pa chen po mnga' ba zhig ste/ rdo rje 'dzin pa chen po slob dpon rdor bzang pa zhes bya ba'i mi phyed pa'i dad pa dang ldan pa de la/ zhal snga nas/ slob dpon pa khyed nga'i yon tan rnams la ci sems gsung / sku yon tan ngas dpag par ga la nus/ sku skye 'di kho nar sbyangs pa'i sku yon yin bsam pa cig ma byung zhus pas/ ha ha de skad byas chog pa lta bur yang 'dug ngas rgyud bla ma 'di dang por blo la bzung ste zin pa dang go ba mnyam du byung nas slob gnyer gsar du byed ma dgos/ dus phyis su song nas kyang zhib cha kha yar la blo bskyed ni byung / gzhan dang po rang shar ba de bsgyur ma dgos gsung / de 'dra ba'i tshul gzhan yang mang du yod pa 'dra zhes slopa dpon smon [A:6]lam grags pas/ rje nyid kyi gsung zin bris su btab pa las byung ngo /
3 sku'i skye ba 'dir yang kha na ma tho ba med pa'i rigs du 'khrungs pa zhes bya ba ni/
zhal snga nas nged tsho bod rgyal po'i blon po 'gos rgan gyi rgyud pa yin/ 'gos yul 'bring mtshams nas chad par 'dug gsung ste/ yab mes snga mo'i dus su?du dbus su lhags nas/ rgya sman yang po sar phebs te yang po'i lho'i gad pa