[B:3b] dam pa 'di'i stengs su nged kyi pha mtsher gyi ra ba zhig gtsigs pa yin zer nas bzung pas ngam pa rar grags te de nas mang du mched/ yab mes snga mo'i mi cig 'ju phu'i co btsan gyi 'khor du skyes nas de mi rnams kyis mthong bar nang du 'ong / de la lto skom ster kho'i lham sdogs kyang 'debs dgos/ res lto za 'phro la chu byang khar co btsan dpon g.yog byon zer 'gro ba yang yod/ dus phyi zhig na a mi kun rgyal zhes bya ba byung / de la spun zla bsam rdor dang grags bzang bya ba yod de/ grags bzang gi rgyud da lta'i khyu ma ba 'di rnams yin/ bsam rdor gyi rgyud la bsod rgyal zhes bya ba'i dge bshes blo gsal zhig yod pa la mched zla lta bur dgongs te thugs rjes bzung na'ang gzhon nu la 'das/ yang a mi sangs rgyas skyabs shes bya ba la bu dpon kun dang slob dpon sang grags pa gnyis/ gzhan ma mi gcig pa cig dang gsum byung ba'i dpon kun gyi rgyud rnams ra mo che dang chos 'khor gling sogs skyid shod du gzhi 'chas/ slob dpon sang grags pa ni yab la longs spyod med par sgye gcig dang phor ba gcig bsnams nas spyan g.yas su byon/ mkhan chen sangs rgyas rgyal mtshan pa'i zhabs la gtugs nas rab tu byung / sgos kyi slob dpon [A:7]shes rab dpal ba la brten nas spyod 'jug la slob gnyer mdzad pas legs par mkhyen nas/ phyis 'chad nyan kyang mdzad/ dkar nag gi rtsis dang gshin po rjes su 'dzin pa'i cho ga la sogs pa yon tan du ma dang ldan pa byon te/ drug bcu rtsa drug pa bya'i lo la gshegs/ kun rgyal la bu 'byung gnas rdo rje zhes bya ba 'jig rten gyi lo rgyus la sogs smrabazang ba zhig byung ste/ ston ming ston pa 'byung gnas rdo rje zhes kyang bya/ de 'og bsam gtan 'phel te gzhon nu la 'das/ de 'og ston pa tshul khrims bsam grub bo/ 'byung gnas rdo rje dang sri thar skyid gnyis la sras lnga dang sras mo gsum byung ba'i sras che bas khyim gzung ste ring po ma lon par 'das/ de 'og kyang snga mor 'das/ bzhi pa bla ma nam mkha' bzang ste/ thugs rab che zhing skyes bu dam pa mang po'i zhabs la gtugs nas bsgom chos mang du zhus/ lnga pa slob dpon mgon rdor ro/ bu mo che