[B:4a] ba rdo rje skyid/ de 'og bu 'dren/ de 'og rin chen skyid rnams so/ chos rje rin po che ni sras gsum pa ste/ rgya sman lha khang gi mda' grong nag mo/ de'i nang nas kyang dbus khyim zhes bya bar chu pho spre'u'i lo
spyi lo 1392
la sku bltams pa/ ring po ma lon par yab kyis na bzas btums nas khur te spyan g.yas su byon pa'i lam rtsig kha cig tu bzhugs su bcug nas yab kyis khams bsang ba thugs kyis dran/ de rjes gzhan ni ma dran par snang yang khams shin tu dwangs pa yod pa'i rtags su 'dug gsung / yab snga mo nas mi lag tu song bas yum gyis legs par bskyangs/ nyin cig khang pa'i thog na bzhugs pa la yum gyis phyi rol nas rtsa dum cig khur nas nang du byon pa la dgyes ches te rgyugs pas khang pa'i rgya mthongs sum brtsegs la sbab tu lhung ba yum gyis bar snang nas [A:8]bzung bas ci yang ma nyes/ spyir ma 'di drin che/ khyad par nga'i mas nged rnams bskyangs/ de res kyang bar snang nas ma zin na 'chi bar 'dug drin che zhes yang dang yang du gsung bar mdzad/ sku lus ngan zhing gcong che ba zhig yod pas sku nye rnams 'dis 'jig rten ni mi pher bar 'dug pas btsun pa 'chol zer ba byung bas/ de dus gcong che ba de bsod nams rang du byung / de nas klog la thugs sbyang mdzad cing dbyar thog 'ga'i bar du phyugs ma skyong du ri la byon pas/ nyin gcig ri khar lham ya gcig stor bas/ yul zhal tsha ba'i stobs kyis 'thab kyis dogs nas sang zhog nang du 'tshol ba skad byas pa/ yul gyis go nas 'bar du byung gsung /
4 rgyal ba rnams kyi rjes su zhugs pa yongs su rjogs pa zhes bya ba ni/
dgung lo dgu bzhes pa 'brug gi lo'i 1400
dpyid mkhan chen rin po che sangs rgyas bstan pa zhes bya ba'i skyes bu chen po/ sku btsun pa'i mthar thug pa/ thugs rgyud bzang ba/ byang chub kyi thugs legs par sbyangs pa/ rgyal sras thog med pa la sogs pa'i skyes bu dam pa mang po'i zhabs la gus par gtugs pa/ bka' gdams kyi chos lugs 'dzin pa de spyan g.yas dgon pa'i slob