[A:14]gis gnang ba byin nas/ mas dben pa'i ming sring 'grogs pas rgyud mang du 'phel ste/ ser skya dang lhas ldan du grong khyer chen po mang du byung ste/ yab kyis de'i rgyu mtshan tshor nas/ de bzhin phod pa phod pa byas pas/ shAkya shAkya zhes grags so/ /'di la shAkya'i rigs kyi ya mtshan zer te/ rigs phal pa ma 'dres pa'i phyir ro/ /phyis rgyal srid dgar la bu med par shi phu bo rnams rim par rgyal sar bskos pas/ che rgyud la shAkya chen po/ 'bring rgyud la shAkya ri brag pa/ chung rgyud shAkya li tsa byi'i rgyud zhes pa grags shing / rgyal po dka' thub can gyi rgyud lnga khri lnga stong / ser skyar byung ba'i tha ma shing rta bcu pa'o/ /de rnams kyi rgyud pa bcu gcig gis tha ma gzhu brtan la sras seng ge 'gram dang / seng ge sgra'o/ /phu bo'i sras zas gtsang / zas dkar/ bre'o zas/ tshad med zas so/ /zas gtsang gi sras rgyal po don grub dang / gcung dga' bo/ zas dkar la/ rgyal ba dang bzang ldan/ bre'o zas la/ ming chen dang ma 'gag pa/ tshad med zas la/ kun dga' bo dang / lhas sbyin no/ /rgyal po don grub kyi sras sgra gcan 'dzin bzang po yin te/ 'di yan gyi shAkya chen po'i rgyud bar ma chad zer de/ rgyal po zas gtsang yan/ sangs rgyas 'od srung gi bstan pa'i ring la/ rgyal rabs lnga khri lnga stong nyis brgya nyi shu rtsa gcig byung ngo / /de'i rting du rgyal bu don grub dang / sras sgra can 'dzin bzang po yan nas/ mang pos bkur ba'i rgyal po man kun dril bas rgyal rabs dgu 'bum sum khri nyis stong bdun brgya bcu gsum byung ngo / /rgya gar chos rgyal rgyal rabs 'di bris pas/ /dge ba'i chos lugs lugs bzhin dar ba dang / /bshes gnyen chos mdzad mdzad 'phrin rab rgyas zhing / /zhing 'dir thub bstan bstan pa gnas par shog /dge legs 'phel bar gyur cig/ / /