[A:179]bar gshegs so/ /sras bar pa bla ma dam pa kun dga' rgyal mtshan dpal bzang po pa/ yab dgung lo zhe dgu pa lcags pho byi lo la 'khrungs/ nyer gnyis pa la gong du byon/ ye sun the mur rgyal po'i dus su/ chang gu'i gung mdzad/ ja yan du rgyal po'i sku tshe'i smad dang / rin chen rgyal po tho gan thi mur rgyal po'i sku tshe'i stod la/ rgyal po rim pa gsum gyi ti shri dang / bstan pa'i bya ba rgya chen po mdzad de/ dgung lo lnga bcu pa phag lo la me tog ra ba'i sde chen por zhi bar gshegs so/ /gcung chung ba gcig gzhon nu la sku gshegs so/ /yang ma cig re mda' ma lha cig nyi ma rin chen la/ sras snga ma gcig gzhon nu la sku gshegs so/ /de 'og slob dpon ma kun dga' 'bum/ chung ba dbang kun dga' legs pa'i rgyal mtshan dpal bzang po/ yab dgung lo zhe bdun pa sa pho spre lo la 'khrungs te/ gong ma tho gan thi mur rgyal pos/ pa'e len dbang gi mtshan dang / gser dam bod chol kha gsum la shes su bcug pa'i lung bzang po dang / sngar dbang bsod nams bzang po'i jo mo yin pa'i dbon mo' bha gan dang bcas pa gnang / dgung lo nyer dgu pa me pho byi ba'i lo la srad bu'i sa char sku gshegs so/ /yang ma cig zha lu ma gzhon nu 'bum la sras bzhi'i che ba/ ta dben kun dga' nyi ma rgyal mtshan dpal bzang po pa/ gzhon nu nas mkhyen rab tshad med pa mnga' bas/ gong du siddhi pha la i khyung ge gan rgyal po'i bla mchod mdzad/ ta dben gu shri mtshan dang / shel dam gnang / 'gro don rgya che bar mdzad/ chu pho khyi lo la pho brang ta'i tur/ bde bar gshegs so/ /de'i gcung che ba 'jam dbyangs don yod rgyal mtshan dpal bzang po pa/ yab dgung