[A:180]lo zhe dgu pa'i dus lcags pho khyi lo la sku 'khrungs/ 'di ni 'jam dbyangs dngos yin par kun la grags pas/ rgyas par rnam thar chen mor blta'o/ /dgung lo so lnga pa shing pho spre'u'i lo zla ba dang po'i tshes bcu gcig la rin chen sgang gong ma'i gzims khang du zhi bar gshegs so/ /gcung bar pa bla ma dam pa bsod nams rgyal mtshan dpal bzang po pa/ yab dgung lo nga gcig pa chu pho byi ba'i lo la 'khrungs te/ 'di ni rdo rje 'chang dngos yin par the tshom mi za'o/ /gu shri mtshan thogs shing / tho gan thi mur rgyal po'i bla ma la gdan 'dren rim par byung na'ang / chos kho na don du gnyer nas ma byon/ dgung lo drug cu re bzhi pa shing mo yos lo zla ba drug pa'i nyer lnga la ngo mtshar ba'i ltas du ma dang bcas te/ dpal bsam yas lhun gyi grub pa'i bla brang bkra shis sgang gi gzims khang du bde bar gshegs so/ /gcung chung shos gcig gzhon nu la sku gshegs so/ /de rnams kyi bla ma bdag nyid chen po'i sras lcam sring bco lnga'i rnam thar zur tsam bstan zin to/ /bla ma bdag nyid chen po'i sras 'di la rgyud pa ji ltar 'khrungs/ bla brang gang dang gang gi zhal bdag mdzad pa ni/ gong du dbang bsod nams bzang po'i jo mo bungha gan la/ sras slob dpon chen po ratna shri shing pho byi lo la 'khrungs te/ dgung lo nyer lnga pa sa pho byi ba lo la sku gshegs so/ /ti shri kun dga' rgyal mtshan pa bsnyen rdzogs ma mdzad pa'i gong du ma cig byang pa mo la/ slob dpon chen po chos skyong rgyal mtshan bzang po ba chu pho sprel lo la 'khrungs shing / kun spangs pa'i lcam mo la/ slob dpon chen po blo gros rgyal mtshan dpal